Како да ја исчистите мувлата од силиконот во бањата

Ако мувлата се појавува само како црни дамки на силиконот, тогаш најверојатно се формира само на површината и може целосно да се отстрани и да се исчисти.

За да ја отстраните мувлата од силиконот, треба да го направите следново:

Наполнете поголем сад со топла вода и додадете детергент. Нанесете го пенливиот раствор и внимателно пребришете со мека крпа. Измијте го силиконот со чиста вода.

Во празно шише со распрскувач ставете избелувач за алишта и попрскајте го силиконот на местата со мувла.

Оставете го да дејствува 20-30 минути и потоа силиконот истријте го со четка со меки влакна. Добро измијте со топла вода.

Ако мувлата е константен проблем во вашата бања и не се губи по чистењето, веројатно се таложи под силиконот. Во овој случај, проблемот ќе го решите со отстранување на силинонот и повторување на постапката пред да нанесете нов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.