Груевски: Државата води грижа за овоштарите, исплатени за 7,3 милиони евра субвенции

Државата води грижа за луѓето кои одгледуваат и имаат овошни насади, и за нив се исплатени 7,3 милини евра. Ова го истакна Никола Груевски, претседателот на ВМРО ДПМНЕ. Тој беше во посета на Преспанскиот регион.

Земјоделците во Преспанскиот регион во последните години имаат добиено девет милиони евра субвенции. Само за овоштарите се исплатени 7,3 милиони евра, а од декември лани до денес на овоштарите во земјава им се исплатени 4,3 милиони евра.

– Државата води грижа за луѓето кои одгледуваат и имаат овошни насади, за луѓето што се занимаваат и живеат од овие култури и дека тоа ќе продолжи и во иднина. Покрај исплатата за лица кои имаат овошни насади, веќе оваа недела се очекува во трезорот на Министерството за финансии да пристигнат исплатите за тутунот, што е предаден после 16-ти јануари. При крајот на оваа недела и на почетокот од следната ќе започне исплата на 500 милиони денари за тутунарите за нивниот род, односно предадениот тутун по 16-ти јануари, најави Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.