Груевски: 16.000 студенти користат бесплатен автобуски превоз

Мерката за бесплатен автобуски превоз за студентите што Владата неодамна ја промовираше максимално се искористува и ја користат околу 16.000 студенти кои за тоа извадиле соодветна документација. Тие досега според пресметките заштедиле околу 250.000 евра или околу 16.300.000 денари месечно, оцени лидерот на ВМРО-ДПМНЕ Никола Груевски.

– Доколку ги користат 10 месеци годишно, имајќи предвид дека дел од студентите еден период поминуваат во својот град, а не во Скопје, заштедата би изнесувала 2,5 милиони евра на годишно ниво. Тоа е одлична мерка која многу се користи и е очигледно дека им недостасуваше на студентите зошто со задоволство ја искористуваат и на тој начин заштедуваат пари, изјави Груевски одговарајќи на прашање по промоцијата на нови 15 дела од проектот Врвови во светската историја, филозофија, психологија со психоанализа во Археолошкиот музеј во Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.