Почина Александар Стојановиќ, балетан, кореограф, режисер и репетитор

На 11 март почина Александар Стојановиќ, балетски уметник од првата генерација на уметници кои ја втемелија оваа уметност во Македонија. Стојановиќ (1934-2016) за време на своето долгогодишно уметникување одигра плејада ликови, претежно од делата на светската балетска класика, но посебно ќе биде запаметен по улогите во претставите од македонските автори, Љубомир Бранѓолица и Трајко Прокопиев.

Како балетан настапувал во улогите на Алберт и Хиларион во „Жизел“; Жан де бриен „Рајмонда“; Ромео „Ромео и Џулиета“ (Чајковски); Ромео и Тибалт „Ромео и Џулиета“ (Прокофјев); Лабин „Лабин и Дојрана“; Генерал и Мазурака „Танц на кадетите“; Непознатиот „Легенда за љубовта“; Војникот „Балада за Скопје“; Капетан Кука „Петар Пан“; Сврзимантија „Кикотењето на Гроздана“ и многу други.

Бил кореограф на „Тоа е Човек“; „Херојска симфонија“; „Рекламна бајка“ (драма); „Кикотењето на Гроздана“; „Песна над песните“. Репетитор во: „Жизел“. „Легенда за љубовта“, „Охридска легенда“, „Валпургиска ноќ“, а  режисер на „Дубровничка легенда“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.