„Студент ФМ“ распиша конкурс за избор на најдобар млад поет-дебитант

„Студент ФМ“, радиото на Универзитетот „Св. Кирил и Методиј“, по петти пат го распиша конкурсот за избор на најдобар млад поет-дебитант „Поезија во глувата соба“.

Право на учество имаат сите заинтересирани студенти што досега не објавиле поетска збирка.

Потребно е заинтересираните да испратат пет поетски творби напишани на македонски јазик и кирилично писмо, заедно со податоците – име, презиме, факултет и контакт на е-адресата: poezija929@gmail.com најдоцна до 31 март годинава.

Најдобрите тројца ќе учествуваат на специјалниот поетски радиоперформанс „Поезија во глувата соба“ на фреквенцијата на „Студент ФМ“ 92,9.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.