Огромно задоволство и чест претставува гостувањето на миленикот на скопската публика и Btkrsh пријателот од Италија, NESS [The Gods Planet / EarToGround].
Очекувајте моќно техно и фантастична атмосфера со Ness и BTKRSH екипата.
Ness го започнал своето електронско музичко патување во доцните ’90-ти години како ди-џеј преку експериментирање со различни стилови – од транс до експериментална музика. Со своето искуство во звучниот инженеринг и многуте поминати години на музичко истражување, постепено развива посебен личен стил, со силен фокус на атмосферата во комбинација со хипнотички вибрации. Во 2007 година отвора сопствена музичка продавница во неговиот роден градСардинија (во Италија) и две години подоцна својата прва издавачка куќа – Mono Records.
Прочуен поради својот индивидуален стил и одличната селекција, има работено со издавачки куќи како Phorma (Шведска), Synewave (САД), Dynamic Reflection (Холандија), M_Rec Ltd (Италија), Informa (Велика Британија), Prologue (Германија) итн. како и соработки со Claudio PRC, Deepbass, Attemporal, Rasmus Hedlund и други. Во моментов тој ги води проектите The Gods Planet (заедно со Claudio PRC) и Frames Оf Thought – нова независна платформа за објавување концептуална техно музика заедно со Scam и Alessio Pili.
Музиката и диџеј сетовите на Ness се добро прифатени и се дефинирани како истражување во широкиот опсег на длабоко, хипнотичко техно и амбиентални музички структури.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
