На мажите им се допаѓа традиција која датира уште од 5-иот век, бидејќи така според нив се намалува притисок, а речиси половината ќе кажат „ДА“, доколку партнерките сами ги прашаат дали ќе се оженат за нив.
Овој ден, 29ти февруари, доаѓа само еднаш во четири години, а жените и мажите, според традицијата, ги менуваат улогите.Имено, постојат многу верувања. Во Ирска, Финска и во Шкотска, жените само на 29-ти февруари имаат уникатна шанса – да им предложат брак на мажите. Ова верување потекнува од една стара ирска легенда, според која света Бригида, ирска калуѓерка од петтиот век, го замолила свети Патрик, светецот-заштитник на Ирска, да им даде дозвола на жените да им предложуваат брак на мажите, по многубројните поплаки од немажените жени, чии додворувачи биле премногу срамежливи да ги запросат. Свети Патрик се согласил, но дозволил тоа да биде само на 29-ти февруари, односно еднаш во четири години. Традицијата почна да се применува и низ повеќето делови од светот по филмот „Престапна година“ од 2010 година, романтична комедија за Американка што патува во Ирска за да го запроси своето момче.
Во случај мажот да одбие да се ожени со жената која му предложила брак, тогаш тој треба да и’ купи 12 пара ракавици за да се скрие срамот што не носи свршенички прстен, стои во шкотскиот закон во 13-от век.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
