Безбедносните камери го снимиле терористичкиот напад во Анкара токму и моментот на експлозијата на бомбата во центарот на градот. На снимката се гледа како еден паркиран автомобил експлодира на улицата „Мерасим“ кога крај него минува комбе кое превезува воени лица.
Сеуште никој не ја презел одговорноста за овој напад, во која засега се загинати 28 лица. Дваест возила на брза помош стигнале веднаш на местото на несреќата, а и хеликоптери кружат над труската престолнина. премиерот на Турција Давутоглу ја откажа посетата на Брисел поради денешната експлозија во Анкара.
-Оние кои денеска изведоа злобен терористички напад и оние кои го испланираа, даваат поддршка на напаѓачите и издадоа упатства, мора добро да знаат дека Турција досега не потклекнала пред ниту една терористичка организација. Ни по овој напад нема да потклекне. Ќе платат за секој терористички напад, рече Бекир Боздаг, турскиот министер за правда.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
