Загина маж во сообраќајка кај Штип, сопатниците повредени

Вчеравечер околу 20.10 часот на локалниот пат Штип-с.Драгоево се случила сообраќајна незгода во која Е.Д. (50) од Штип, управувајќи со „цитроен Ц5“ со бугарски регистарски ознаки, излетал од патот и се превртел.

Возачот и сопатниците Д.Ѓ. (51) и З.К. (50), двајцата од Штип, со возило на итна медицинска помош биле пренесени во Клиничката болница во Штип.

Кај возачот Е.Д. била констатирана смрт, кај З.К. биле констатирани тешки телесни повреди, додека кај Д.Ѓ. констатирани биле телесни повреди. И двајцата се задржани на лекување.

Увид на местото на настанот извршиле ЈО и увидна екипа од ОКТИВ-Штип. По наредба на ЈО над телото на починатиот ќе биде извршена обдукција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.