Автомото сојузот на Македонија информира дека поради штрајк на грчките земјоделци од 17 часот во целосен прекин е сообраќајот при влез и излез од Грција на граничниот премин Меџитлија, а од 18 часот и на ГП Дојран. Блокадите, според најавите, ќе траат до 21 часот. На останатите граничните премини нема подолги задржувања за влез и за излез од државата. Интензитетот на сообраќај на патните правци надвор од градските средини е умерен.
Сообраќајот на сите државни патишта се одвива без забрани и по претежно влажни коловози во западните и југозападните делови и наместа влажни коловози во останатите делови на државата.
АМСМ препорачува внимателно возење, прилагодена брзина на движење, почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово, Виница – Берово и Ресен – Буково каде е можна почеста појава на одрони.
Во сила е законската обврска за задолжително поседување зимска опрема во возилата, без оглед на моменталната временска состојба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
