Група британски и американски научници утврдија дека поради влијанието на хормоните на жените им е потешко да ослабат отколку на мажите.
Во некои делови на светот, екстремната дебелина е почеста кај жените отколку кај мажите, покажуваат податоците од Светската здравствена организација. Во новото истражување е утврдено дека клучот лежи во хормоните задолжени за контрола на апетитот, телесната активност, потрошувачката на енергија, и на крајот, намалувањето на телесната маса. Станува збор за проопиомеланокортин пептиди, кои се произведуваат во делот на мозокот вклучен, меѓу другото, во процесот на согорување на калории. Експериментите спроведени на животни покажаа дека дејството на овие хормони зависи од полот, пишува стручното списание „Молекулар метаболизам“.
Според СЗО, од прекумерна дебелина страдаат 1,4 милијарди луѓе.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
