За Шпанија да успее да ја совлада Хрвтска и да се пласира во големото финале неопходно ќе биде Арпад Штербик да влезе во топ-ритам и да одигра еден од своите препознатливи „големи натпревари“. Искусниот голман сепак не сака да ја превземе фаворитската улога, потенцирајќи дека никако не може Шпанија да важи за фаворит против селекција што пред само два дена ја декласираше Полска на домашен терен.
– Како можеме да бидеме фаворити против оваа Хрватска, која го доби домаќинот среде Краков со кошаркарски резултат. Фаворити се тие кои моментно се во подобра форма, ние досега победувавме, сега треба да изненадиме бидејќи реално гледано, тешко можеме со Хрватите – изјави Штербик во пресрет на денешното полуфинале.
Вториот полуфинален натпревар започнува од 21 часот, а интересено е што во двете репрезентации настапуваат дури пет играчи од РК Вардар. Во редовите на „каубоите“ се Карачиќ и Цидриќ, додека дресот на „црвена фурија“ го носат Штербик, Македа и Дујшебаев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
