Се друго е копија: Само овде има вистински „Моцарт“ чоколатца!

На денешен дел во Салцбург, пред 260 години е роден Волфганг Амадеус Моцарт чија музика и слава го претвори овок град во еден од најпосетуваните во средна Европа.

Музичкиот гениј Волфганг Амадеус Моцарт придонесе за туристичката популарност на Салцбург, а неговото име го краси и еден од најпопуларните австриски сувенири-„Моцарт“ чоколатцата. Оригиналниот рецепт за чоколадните топчиња е тајна, а ја смислил австрискиот слаткар Паул Фурст во 1890 година во чест на музичкиот гениј.

Чоколатцата со средина од марципан за многу кусо време ги воодушевиле жителите на Салцбург, а производот освоил и златен медал на саемот во Париз во 1905 година. Оттука не е ни чудно што останатите слаткари почнале да го копираат овој славен десерт.

Иако Фурст побарал помош од судот со цел да го заштити името на „Моцарт“ чоколатцата (Mozartkugeln), желбата на домашната и странската конкуренција толку многу го искомпликувала судскиот процес, што во осумдесеттите години ов минатиот век е донесена одлука која вели дека името можат да го користат сите компании во Австрија, но и по некоја германска.

Годишно се произведуваат околу 1,4 милиони „Моцарт“ чоколатца кои се продаваат како сувенири и се извезуваат во педесеттина земји. Но, поголемиот број од овие производи отпаѓа на индустриско произвотство.
„Cafe-Konditorei Fürst“ единствени рачно ги изработуваат Моцарт топчињата според оригиналната процедура на нивниот изумител, и истите може да се вкусат во нивните продавници на овие четири адреси во Салцбург: Alter Markt (Brodgasse 13), Mirabellplatz 5, Ritzerbogen (Sigmund Haffner Gasse) и Getreidegasse 47.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.