По првото реми меѓу репрезентациите на соседите Шведска и Данска, Данските ракометари ќе мора во последното коло против Германија да бркаат пласман во полуфиналето на Европското првенство во Полска, по 28:28 во претпоследната рунда од втората фаза.
Данците во текот на сите 60 минути имаа предност која, иако блиску, никако не беше достижна за Швеѓаните. Сепак, ниту три гола предност на три минути пред крајот не беа доволно за триумф, кои дозволија Шведска во последните секунди преку Захрисон да дојде до бод. И со победа Данците секако во последното коло против Германија, најмалку со бод, ќе мораа да го визираат патот до полуфиналето, поради што и ова реми апсолутни ништо не им менува.
Пред последното коло во групата, Данска е со 7 бода, а Германија и Шпанија имаат по 6 бода. Овие три селекции ќе се борат за полуфиналето. Данска во директна пресметка со Германија, а на Шпанија ќе и треба победа против Русија. Шведска, пак, е претпоследна на табелата со 2 бода, пред Унгарија која е без бодови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
