Младите до 27 години секој прв и секоја трет викенд во месецот ќе имаат бесплатен превоз во железничкиот собраќај, најави денеска претседателот на ВМРО-ДПМНЕ, Никола Груевски. Ова е само една од петте мерки кои денеска ги соопшти Груевски.
Преку овој проект, рече Груевски, младите до 27 години ќе имаат можност за добивање бесплатен повратен билет кој ќе можат да го користат секоја прва и секоја трета недела од месецот во период на викенд, односно од петок после 12 до понеделник до 12 часот.
-Со ова ВМРО-ДПМНЕ им овозможува на младите поголема мобилност и можност да посетат многу места во Македонија, но и значителна финансиска поддршка и заштита на стандардот на младите. Ова е збогатување на можноста која и досега постоеше за бесплатно патување со железничкиот сообраќај. На ова се одлучвиме поради големиот интерес кај младите. За 6 месеци во 2014 и 11 месеци во 2015 превезени се 48.758 млади до 27 години, кои ја искористиле можноста со што младите заштедиле околу 17 милиони денари- рече Груевски.
За да се спроведе оваа мерка, рече Груевски, Владата ќе исплаќа дополнителни трансфери кон Македонски железници. За еден ипол месец од сега, почнува спроведувањето на овој проект.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
