Терористичката организација Исламска држава најави план за намалување на месечната плата за своите припадници во Сирија и Ирак, информира денеска Сирискиот Центар за мониторинг на човековите права.
– Заради вонредните околности низ кои минува ИД, донесена е одлука за двојно намалување на платите на муџахедините, се наведува во соопштението на ИД кое го пренесе Центарот, чие седиште се наоѓа во Лондон.
– Никој нема да биде изземен од оваа одлука, без разлика на која позиција се наоѓа, но распределбата на храната ќе продолжи како и досега, два пати месечно, соопшти Исламска држава.
ИД на територијата на Ирак и Сирија прогласи таканаречен калифат, во кој применува строга интерпретација на исламското право.
Според наводите на директорот на Центарот, Рами Абдел Рахман, одлуката за намалување на платите значи дека борците на ИД во иднина ќе бидат платени 200 долари месечно, место досегашните околу 400 долари.
– Странските борци, кои имаа двојно поголема плата од останатите, во иднина ќе добиваат околу 400 долари месечно, рече Рахман.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Џихадистите се закануваат со напади во Њујорк за Нова година: 1 јануари е „ден на одмаздата“
-
Специјалистите ќе чекаат уште една година за ветената плата од 100.000 денари
-
Македонец подготвувал терористички напад во името на Исламската држава во Италија
-
На вработените во „Еурокомпозит“ линеарно ќе им се исплатат примања
