Kрстот од водите на реката Писа во Пехчево го извади Влатко Крамарски

Светиот крст од водите на реката Писа во Пехчево го извади 29-годишниот Влатко Крамарски од Пехчево. Петнаесетина млади луѓе влегоа во водите на студената река, но Крамарски беше највешт.

– Очекувам оваа година да ми биде бериќетна, да донесе здравје, среќа, но и вработување, рече Крамарски веднаш по излегувањето од водата.

За него општина Пехчево обезбеди награда лцд телевизор.

Чинот на осветување на реката Писа го следеа стотина жители на Пехчево. По повод големиот христијански празник Богојавление – Водици, свештениците од црквата „Св. Петар и Павле“ одржаа света божествена литургија. За многубројните посетители на оваа манифестација, која од година во година станува се помасовна, локалната самоуправа и оваа година обезбеди бесплатни топли пијалоци (ракија и вино) за сите присутни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.