Груевски – Црвенковски 8:1

Ин­те­рес­но, но број­ки­те во ма­ке­дон­ска­та оно­ма­сти­ка се сов­па­ѓа­ат со акту­ел­на­та си­ту­а­ци­ја на ма­ке­дон­ска­та по­ли­тич­ка сце­на. Ние сме ед­на од ре­тки­те зем­ји во кои оно­ма­сти­ка­та и по­ли­ти­ко­ло­ги­ја­та се по­вр­за­ни, ба­рем спо­ред мно­зинс­тво­то. Ими­ња­та го по­ка­жу­ва­ат и по­твр­ду­ва­ат тоа што се слу­чу­ва и во по­ли­ти­ка­та:

Ни­ко­ла го во­ди Бран­ко, Али е мно­гу пом­но­гу­бро­ен од Мен­дух и од Ру­фи. Спо­ред по­да­то­ци­те на Др­жав­ни­от за­вод за ста­ти­сти­ка (ДЗС) ко­га се обра­ќа, Ни­ко­ла Гру­ев­ски им се обра­ќа на 15.728 име­ња­ци, a Бран­ко Цр­вен­ков­ски на 5.061 гра­ѓа­нин што го но­си не­го­во­то име. Од­но­сот е 3:1. Ко­га сме кај зна­че­ња­та – Ни­ко­ла, спо­ред оно­ма­сти­ка­та (на­у­ка за по­тек­ло­то на ими­ња­та) зна­чи „По­бе­да на на­ро­дот“ или „По­бед­нич­ки на­род”. Бран­ко, пак, спо­ред зна­че­ње­то е „Бра­ни­тел” или „Сла­вен бра­ни­тел”. А не е член ни­ту на До­сто­инс­тво, ни­ту на Бе­дем…

За да би­де ма­ке­дон­ска­та оно­ма­стич­ко-по­ли­тич­ка ми­сте­риja уште по­го­ле­ма, при­каз­на­та се сов­па­ѓа и во ал­бан­ски­от блок. Име­то Али, за­ед­но со истоз­нач­но­то Али­ја е во број­ка од 2.749 ли­ца (са­мо Али е 2.174), Мен­дух има са­мо 76 име­ња­ци, Ру­фи, пак, са­мо 53. Aли нас­про­ти двај­ца­та за­ед­но во­ди со не­ве­ро­јат­ни 25:1.

Ма­ке­дон­ска­та при­каз­на за ими­ња­та не за­ста­ну­ва ту­ка. Про­дол­жу­ва. Не са­мо ими­ња­та, ту­ку и пре­зи­ми­ња­та ја да­ва­ат иста­та сли­ка, иден­тич­на на акту­ел­на­та по­ли­тич­ка сли­ка на прев­ласт, ба­рем во ма­ке­дон­ски­от пар­ти­ски блок. Гру­ев­ски има 402 исто­пре­зи­ме­ња­ци, а Цр­вен­ков­ски 56 ма­шки но­си­те­ли на не­го­во­то пре­зи­ме во Ма­ке­до­ни­ја. Со­од­но­сот е 8 : 1.

И Ах­ме­ти е мно­гу пом­но­гу­бро­ен од Та­чи. Го во­ди со 533 : 146 пре­зи­ми­ња. По­ли­тич­ка­та сли­ка и сли­ка­та со ими­ња­та и со пре­зи­ми­ња­та на по­ли­ти­ча­ри­те, нив­на­та акту­ел­на за­ста­пе­ност во пар­ла­мен­тот и во Вла­ста нас­пре­ма бро­јот на пре­зи­ме­то, зап­на и за­пре са­мо на ед­но ме­сто… Кај Ал­бан­ци­те не­при­кос­но­вен е Ос­ма­ни. Пре­зи­ме­то на Ру­фи го но­сат 4.491 гра­ѓа­нин на Ма­ке­до­ни­ја.

Иа­ко, мно­гу­ми­на мис­лат де­ка Љуб­чо Ѓе­ор­ги­ев­ски е единс­твен спо­ред сво­е­то име, тоа не е точ­но. Ма­ке­до­ни­ја, очиг­лед­но, има­ла мно­гу ма­ти­ча­ри што не зна­е­ле што е пра­ви­ло­то – ед­на­че­ње по звуч­ност. А, мо­же­би, и зна­е­ле, ама ка­ко бу­га­ро­фи­ли, не са­ка­ле да го пра­кти­ку­ва­ат. Пр­во­то е, се­пак, мно­гу по­ве­ро­јат­но. Во др­жа­ва­та има 322 гра­ѓа­ни што го но­сат име­то Љуб­чо. Љуп­чо, пак, е на 10. ме­сто во Ма­ке­до­ни­ја.

По­да­ток што ре­тко кој го акту­а­ли­зи­рал – и Ти­то не е единс­твен. Ве­ру­ва­ле или не, има­ме 21 соц-но­стал­гич­но се­мејс­тво што го вос­пе­ју­ва­ло и обо­жу­ва­ло ли­кот и де­ло­то на Јо­сип Броз. 21 ли­це во Ма­ке­до­ни­ја се ви­ка Ти­то. Но, не са­мо ова, др­жа­ва­та е по­ве­ќе од под­го­тве­на за во­скрес­ну­ва­ње на поз­на­ти­от, ве­ќе мит­ски тро­ец на ли­де­ри­те на бло­кот не­за­вис­ни др­жа­ви: Ти­то – Не­хру – На­сер. Во Ма­ке­до­ни­ја има­ме 57 ли­ца што се од­ѕи­ва­ат на Не­хру и ду­ри 2.087 но­си­те­ли на име­то На­сер. И, де­фи­ни­тив­но, во 1991 сме би­ле под­го­тве­ни за не­за­вис­ност…

Во Македонија сапуниците диктираат имиња?! Сандокан, Касандра, Онур, Полат…

Не е тај­на де­ка и са­пу­ни­ци­те ди­кти­ра­ат ими­ња. Кла­си­чен при­мер е име­то на ин­ди­ски­от ју­нак Сан­до­кан, кој го прос­ла­ви акте­рот Ка­бир Бе­ди. Во РМ, се­дум гра­ѓа­ни го но­сат име­то Сан­до­кан. Ако оди­ме хро­но­ло­шки, след­на се­ри­ја што бе­ше и пр­ва­та кла­сич­на, ни­ско­бу­џет­на са­пу­ни­ца, а ко­ја на­пра­ви ви­стин­ски бум во Ма­ке­до­ни­ја и, бу­квал­но – ги отво­ри вра­ти­те за сѐ што сле­ду­ва­ше – бе­ше и оста­на Ка­сан­дра. Ла­тин­ска­та уба­ви­ца, ко­ја дој­де и во Ма­ке­до­ни­ја за да се срет­не со обо­жа­ва­те­ли­те, оста­ви мо­да на дол­ги, ша­ре­ни здол­ни­шта, мно­гу воз­ди­шки кај „по­сил­ни­от“ пол, но и ду­ри 38 жен­ски де­ца што го но­сат неј­зи­но­то име. Имај­ќи пред­вид де­ка се­ри­ја­та бе­ше хит во 1997-1998 го­ди­на, тие 38 де­вој­чи­ња се­га има­ат 14 или 15 го­ди­ни. Тај­на е да­ли Ка­сан­дра има парт­нер во РМ?! Оста­ну­ва да се открие, за­тоа што – неј­зи­ни­от љу­бен Ран­ду го има по­мал­ку од пет­па­ти или во­оп­што го не­ма (по­да­то­ци на ДЗС).

Од по­но­ва­та ге­не­ра­ци­ја во­ди Онур. Ли­кот од „1001 ноќ“ има 510 нај­вер­ни обо­жа­ва­те­ли-ро­ди­те­ли – или 255 жи­те­ли на Ма­ке­до­ни­ја го но­сат не­го­во­то име. Ше­хе­ре­зад или Ше­хе­ре­за­да, се­пак, ба­рем спо­ред ДЗС, ја не­ма. По­стои са­мо ка­ко сла­ткар­ни­ца. Од нај­но­ва­та ге­не­ра­ци­ја , се­га–за­се­га се про­би­ва По­лат, кој до кра­јот на ми­на­та­та го­ди­на имал 17 име­ња­ци, а имај­ќи ја пред­вид по­пу­лар­но­ста на „До­ли­на­та на вол­ци­те“, се­га овој број со си­гур­ност е мно­гу по­го­лем. Фа­кти­те не се по­ра­зи­тел­ни са­мо за Ма­ке­до­ни­ја. Спо­ред тур­ски „Ху­ри­ет“ и нив­ни­те истра­жу­ва­ња, огром­на­та гле­да­ност на тур­ски­те се­рии и по­вр­за­но­ста со ими­ња­та е бал­кан­ски фе­но­мен. Та­ка, ими­ња­та на ли­ко­ви­те од тур­ски­те са­пу­ни­ци ги има­ме во на­лет и во Бос­на, Ал­ба­ни­ја, Бу­га­ри­ја, па и во Гр­ци­ја, ка­де што има ал­бан­ско и тур­ско мал­цинс­тво, ква­ли­фи­ку­ва­но са­мо ка­ко „мус­ли­ма­ни“.

Во 80-ти­те го­ди­ни на ми­на­ти­от век, име што ја освои Ма­ке­до­ни­ја, но и то­гаш­на Ју­гос­ла­ви­ја, бе­ше Ма­ја. Ка­ко ре­зул­тат на цр­та­ни­от филм „Пче­лич­ка­та Ма­ја“ мно­гу жен­ски де­ца го до­би­ја неј­зи­но­то име. Неј­зи­ни­от при­ја­тел, тру­тот Ви­ли (за кој ни­ко­гаш, ни­кој не им ка­жа на де­ца­та де­ка е трут?!) не­ма­ше та­ква сре­ќа и оста­ви мно­гу по­мал­ку след­бе­ни­ци на не­го­во­то де­ло, мо­же­би и де­ка бе­ше трут – си­но­ним за без­ра­бот­ник (во се­ко­ја ко­ло­ни­ја има 1.000-1.300 тру­то­ви на ма­ти­ца, се чу­ва­ат и хра­нат са­мо за оп­ло­ду­ва­ње.) Исто­то иг­но­ри­ра­ње се слу­чи и со ска­ку­ле­цот Флип и со ма­ти­ца­та ,ко­ја, се­пак, 10 го­ди­ни по­доц­на ја до­би зас­лу­же­на­та сла­ва – Ка­сан­дра.

Му­ха­мед е нај­че­сто­то име во све­тот, 88. во Ма­ке­до­ни­ја!

По­ве­ќе од 150 ми­ли­о­ни лу­ѓе во све­тот го но­сат име­то Му­ха­мед. Спо­ред „Ен­цик­ло­пе­ди­ја Ко­лум­би­ја“, ова е нај­че­сто­то име на Зем­ји­на­та топ­ка. Во 2007 го­ди­на и во 2009 го­ди­на ова бе­ше нај­по­пу­лар­но­то име за но­во­ро­ден­че во Мар­сеј и во уште два ре­ги­о­на во Фран­ци­ја. Во 2007 го­ди­на „Би-Би-Си“ из­ве­сти де­ка Му­ха­мед е вто­ро нај­по­пу­лар­но име за бе­бе во Ве­ли­ка Бри­та­ни­ја. Слич­но е и во Дан­ска, а име­то во пер­и­о­дот од 2000 го­ди­на до 2010 го­ди­на има­ше си­лен про­бив и во САД.

Во Ма­ке­до­ни­ја, име­то Му­ха­мед е на 88. ме­сто, го има­ат 2.938 гра­ѓа­ни во др­жа­ва­та.

Нај­по­пу­лар­ни ими­ња во пос­лед­ни­ве 30 го­ди­ни во Ма­ке­до­ни­ја

Рекордери во Македонија остануваат Александар и Марија. Имаме 23.924 Александровци и 21.031 Марија. На второ место се Зоран со 16.928 носители на името и 11.940 Билјани. Следуваат Никола и Елена.

Од 1991 го­ди­на, па се до де­не­ска, нај­по­пу­лар­ни ими­ња во Ма­ке­до­ни­ја се Але­ксан­дар, Сте­фан, Мар­тин, Фи­лип, Ни­ко­ла и Ан­дреј за ма­шки бе­би­ња. Кај де­вој­чи­ња­та, пак, на пр­во ме­сто е Ма­ри­ја, а сле­ду­ва­ат Са­ра, Еле­на, Ива­на и Ан­ге­ла, а во по­но­во вре­ме во гру­па­та се прик­лу­чу­ва­ат и Ја­на, Ана, Ана­ста­си­ја и Јо­ва­на. За­бе­ле­жан е и про­би­вот на ими­ња­та Убејд, Ејрон, Бле­он, Окан и Ју­лет, а од жен­ска стра­на Или­ри­да, Аде­ли­са и Бле­о­на. Спо­ред ста­ти­сти­ка­та, најм­но­гу де­ца се ра­ѓа­ат во март (9,2 про­цен­та), а сле­ду­ва­ат мај (8,8 про­цен­ти) и април (8,7 про­цен­ти). Де­кем­ври е ме­се­цот ко­га стан­дард­но во Ма­ке­до­ни­ја се ра­ѓа­ат нај­мал­ку де­ца. Ре­кор­ден ден, на др­жав­но ни­во, оста­ну­ва 1 ја­ну­а­ри 1971 го­ди­на, ко­га во Ма­ке­до­ни­ја во еден ден се ро­ди­ле 244 де­ца.

Нас­про­ти по­пу­лар­ни­те ими­ња, во РМ дој­де и до гу­бе­ње на дел од ста­ри­те ма­ке­дон­ски ими­ња, кои, бу­квал­но, за­ми­наа во исто­ри­ја­та. Та­ка во пер­и­о­дот од 1991 го­ди­на до 2004 го­ди­на, ни­ту еден кум не кр­стил ма­шко де­те со ими­ња­та Ќи­ро, Мо­ме, Дим­чо или Дим­ко. Ис­чез­ну­ва­ат и жен­ски­те ар­ха­ич­ни ими­ња, ме­ѓу нив Спа­са, Фан­ка, Кр­ста­на, Ри­ста­на, Бла­гу­ња.

Тр­пе е уни­кат, ен­дем­ски вид! Трај­че не е единс­твен…

Иа­ко мно­гу­ми­на ги сме­та­ат за дел од ма­ке­дон­ски­от мен­та­ли­тет и де­ка нив­но­то зна­че­ње го по­ка­жу­ва ма­ке­дон­ски­от ду­ше­вен склоп, сѐ по­ре­тки, бу­квал­но во фа­за на истре­бу­ва­ње се ими­ња­та Трај­че и Тр­пе. Мир­ко се др­жи по­до­бро.

Но, се­пак, Трај­че не е единс­твен, а со тоа и слич­но­то зна­че­ње на Мир­ко. Во све­тот по­сто­јат не­го­ви пан­да­ни, ими­ња што го вле­чат исти­от ко­рен ка­ко и Трај­че. Та­ка име­то Ла­ке­та (Laqueta), кое го има во Афри­ка и во САД, е со исто зна­че­ње со на­ши­от Трај­че или жен­ска­та вер­зи­ја Тра­јан­ка. Во пре­вод ов­де е и ин­ди­ско­то име Шу­мо (Shuomo). Си­те три – Трај­че, Шу­о­мо и Ла­ке­та оз­на­чу­ва­ат исто – тој што мол­чи или ти­вки­от чо­век.

Тр­пе, пак, и по­крај си­те оби­ди да нај­де­ме слич­но име во ана­ли­те на свет­ски­те оно­ма­стич­ки истра­жу­ва­ња, се чи­ни е единс­твен. Уни­кат­но­то зна­че­ње на Тр­пе – тој што тр­пи, мо­же­би тре­ба и да се за­шти­ти ка­ко ен­дем­ски вид, име што оста­ну­ва вре­жа­но во оваа поч­ва. И та­ка, ги не­ма­ме мно­гу: Тр­пе, охрид­ска­та па­стрм­ка и шарп­ла­ни­не­цот (кој ни го ос­по­ру­ва­ат со­се­ди­те!).

Се­пак, ви­стин­ски­от спи­сок на нај­мар­кант­ни­те ма­ке­дон­ски ими­ња е по­долг. Ими­ња што, на­ви­сти­на, пле­ну­ва­ат со сво­ја­та ин­вен­тив­ност. Ка­мен­ко е име на 28 гра­ѓа­ни, Пла­мен­чо го има­ат осум ли­ца, а ими­ња­та ка­ко Лу­стер­чо, Ка­ран­фил­чо, Раз­ви­гор­чо и Ла­ки­ра­де не­ма­ат по­твр­да во ДЗС.

И жен­ски­от пол оду­ше­ву­ва со ин­вен­тив­но­ста на ро­ди­те­ли­те. Раз­мен­ка е име на 83 прет­став­нич­ки на по­неж­ни­от пол во Ма­ке­до­ни­ја (се ко­ри­сте­ло ко­га се­мејс­тво­то има­ло мно­гу или са­мо жен­ски де­ца, па со име­то се про­во­ци­ра­ла за­ме­на со ма­шко), име­то Ду­ка­дин­ка го но­сат 69 же­ни, Га­ла­бин­ка 24, Ли­мон­ка ду­ри 252 же­ни, Со­ки­ца 34. На­ју­ни­кат­но­то име, се­пак, е Ка­та­стро­фа, ко­ја на­га­ле­но ја ви­ка­ле Ка­те, име што ро­ди­те­ли­те ѝ го да­ле на ќер­ка­та за да пре­ки­нат со мно­гу­те жен­ски де­ца. До­ста е име што се ко­ри­сте­ло за пре­ки­ну­ва­ње со ра­ѓа­ње де­ца, во­о­би­ча­е­но во ста­ро вре­ме се да­ва­ло на де­сет­то­то де­те.

Во­деч­ки ими­ња во со­седс­тво­то

Во Ср­би­ја, нај­че­сти ими­ња се Сте­фан, Ла­зар и Ни­ко­ла, но пос­лед­ни­те не­кол­ку го­ди­ни, по­точ­но че­ти­ри, нај­че­сто име и спо­ред РТС за ма­шко но­во­ро­ден­че е Но­вак (кол­ка­ва е уло­га­та на те­ни­се­рот Ѓо­ко­виќ?!). За де­вој­чи­ња­та, Ср­би­те го пре­фе­ри­ра­ат име­то Ми­ли­ца.

Во Ал­ба­ни­ја – нај­по­пу­лар­ни се Афер­ди­та и Бе­са за де­вој­че и Адри­јан и Ар­тан за ма­шко де­те. Бе­са зна­чи ве­ра, вер­ба, а Ар­тан во пре­вод е зла­тен.

Во Бу­га­ри­ја, ма­жи­те нај­че­сто се ви­ка­ат Иван, Ѓе­ор­ги, Ди­ми­тар и Пе­тар. Же­ни­те, пак, нај­че­сто го до­би­ва­ат име­то Ви­кто­ри­ја и Ма­ри­ја, ка­ко и кај нас.

И Гр­ци­те, ка­ко и Бу­га­ри­те и Ма­ке­дон­ци­те најм­но­гу го са­ка­ат и упо­тре­бу­ва­ат жен­ско­то име Ма­ри­ја, вто­ра е Еле­ни. Од ма­шки­те ими­ња, на пр­во ме­сто е Ге­ор­ги­ос, а сле­ду­ва­ат Јо­а­нис, Кон­ста­ни­нос, Ди­ми­трис и Ни­ко­ла­ос.

Подготви: Љупчо Цветановски

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.