Вознемирувачка содржина: Цел град умира од глад, јадат трева, мачки, кучиња…

На само дваесетина километри од главниот град на Сирија, во градот Мадаја, кој се наоѓа под опсада од сириската војска, стотици деца живеат прегладнети, некои умираат од глад, а високата цена на оризот кој се продава е екстремно скапа- 230 евра за еден килограм .

Голем дел од семејствата “глодаат” трева и лисје, а некои извршуваат згрозувачки чинови и ги убиваат своите домашни миленици, а потоа ги јадат.

– Луѓето умираат како на забавена снимка, одгледувавме цвеќе во саксии и тоа е изедено, вели социјалниот работник Луај.

Истиот Луај пред извесен период испрати и фотографии до светските медиуми од луѓето кои умреле од глад. Тој вели дека е вистински сведок дека пред негови очи луѓето убивале мачки за да преживеат , а многу дрвја останале без лисја.

Иако независните медиуми не успеале да стигнат до градот поради опсадата, интернетот е преплавен со информации за прегладнети луѓе.

И хуманитарните активисти од овој сириски град тврдат дека ситуацијата е ужасна. Децата гладуваат и умираат, ги ризикуваат своите животи во минските полиња во потрага по хранливи растенија. Некои од нив останале без екстремитети…

Иако е тешко да се провери вистинитоста на овие тврдења поради опсадата на градот, неколку независни извори на идентичен начин ја опишуваат страшната ситуација во градот Мадаја – каде недостигаат храна, лекови, струја…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.