Денеска во Хрватска се гласа на првите избори за Европскиот парламент. Ќе се бираат 12 пратеници кои што Хрватска ќе ја претставуваат во Европарламентот по влезот во ЕУ на први јули годинава. Овие први хрватски европратеници ќе имаат мандат од една година, бидејќи догодина ќе има редовни европски избори за нов петгодишен мандат.
На денешните избори, според хрватските извештаи, граѓаните ќе ги видат најголемите до сега ливчиња за гласање, поголеми од дневните весници. На нив ќе треба да изберат од листата од 28 листи и вкупно 336 имиња, бидејќи на овие избори важи правилото за отворени листи.
Правилата за гласање се исти како и за националните избори.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
