СДСМ би биле најсреќни да нема, но избори мора да има

СДСМ би биле најсреќни да нема избори. Што се однесува до нас избори мора да има, а СДСМ да ја добијат лекцијата. Мора да се соочат со народот, истакна премиерот Никола Груевски во Вестите на телевизија Сител.

-Тие смислуваат се само да се закочи изборниот процесот. Сакаа изборите да ги добијат со фалсификати, но сега и тоа им се руши. Меѓународната заедница има јасен став и ние имаме јасен став, рече Груевски.

Премиерот најави дека ВМРО-ДПМНЕ се подготвува за избори.

-Апсолутно дека се подготвуваме. Прво работиме на подготовка на Отчетот. Завршивме огромен број на работи кои ги ветивме и ќе ги покажеме преку Отчетот. Работиме и на новата програма која ќе биде најобемна до сега. Ќе направиме приоритизација, ќе ги сублимираме идеите и ќе ја направиме најобемната и најпрофесионалната програма, додаде Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.