Лидерска средба за договорот од Пржино

Лидерите на четирите најголеми политички партии ВМРО-ДПМНЕ, СДСМ, ДУИ и ДПА денеска треба да одржат нова средба на која ќе се разговара за исполнување на договорот од Пржино од 2 јуни/15 јули.

Се очекува, според партиски најави, тие да разговараат за прашањата што се запрени, а кои произлегуваат од договорот од Пржино како изборот на тројца експерти во Државната изборна комисија и медиумските реформи, но и да се осврнат на други прашања, исто така, поврзани со исполнување на овој договор.

Синоќа требаше да се одржат билатерални средби на партиските претставници со посредникот во разговорите Белгиецот Питер Ванхауте за избор на екпертите на ДИК.

Лидерите на ВМРО-ДПМНЕ Никола Груевски, на СДСМ Зоран Заев и на ДУИ Али Ахмети последен пат се сретнаа во Клубот на пратеници на 5 ноември. На таа средба не присуствуваше Мендух Тачи од ДПА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.