Фејсбук најави дека наскоро ќе развие нова технологија која на корисниците ќе им овозможи приклучување на социјалната мрежа, дури и ако не се поврзани на интернет, објави „Тајмс“.
Според претставници на „Фејсбук“, идејата за развој на оваа технологија потекнала од поплаките на многу корисници дека поради лошиот интернет сигнал или бавната конекција имаат проблеми при сурфањето на социјалната мрежа.
– Ние сакаме на корисниците да им овозможиме пристап до инфорамциите кои им се важни. Ако врската е лоша, нивниот „news feed“ не се обновува и немаат пристап до нови содржини, соопшти Фејсбук.
Компанијата работи на развој на технологија која би требало да врши обнова на софтверот со информации и би им овоможувала на корисниците на Фејсбук да бидат активни, дури и без интернет конекција. Корисниците и тогаш ќе можат да коментираат содржини на мрежата и да објавуваат фотографии или статуси.
– Ова ќе го унапреди користењето на нашите услуги и ќе им помогне на сите оние кои живеат на места со лош интернет сигнал или пак минуват низ тунели и други места каде често се прекинува конекцијата, прицизира Фејсбук.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
