– Изјавите на Анкара почнуваат да личат на немоќна злоба, рече портпаролката на руското Министерство за надворешни работи, Марија Захарова.
Со овие зборови претставничката на дипломатската централа на Москва му одговори на турскиот премиер Ахмет Давутоглу.
Тој ги обвини руските војници распоредени на северната сириска провинција Латакија, за етничко чистење.
– Војниците на Русија се борат против нашите сонародници кои живеат таму и арапите-сунити. Москва има цел да ги смири противниците на режимот во Дамаск на чело со Башар Асад, рече премиерот во Анкара.
Захарова од своја страна ги отфрли обвинувањата кои беа упатени кон нејзината земја.
– Ова се недостојни изјави, обвинувањата се неосновани. Последните зборови на премиерот на Турција се повеќе и повеќе почнуваат да личат на манифестација на немоќна злоба, категорична беше таа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
