Мигранти со жолтица и шуга поминуваат низ Македонија

Мигранти со заразни болести транзитирале низ земјата и продолжиле по балканската рута. Апоред информации од терен, кај петчлено семејство пред еден месец била дијагностицирана шуга. не сакале да бидат под терапија во Македонија и продолжиле кон нивната ветена земја. Истиот период, на четворица бегалци во Гевгелија од кои две деца им била утврдена жолтица, пренесува Здравство24.

Директорот на гевгелиската болница изјавил дека им понудиле лекување и болничко сместување на скопските клиники, но одбиле. Целта им била да стигнат во некоја европска земја а не да останат во Македонија. Покрај жолтица и шуга, епидемиолозите велат дека мигрантите можат да донесат и некои други заразни заболувања карактеристични за нивното поднебје, како што се колера и маларија. Но олеснителна околност е што тие само транзитираат низ земјата и засега нема опасност од ширење на болести.

-Жолтицата е заболување кое се пренесува преку нечисти раце и најважно овде е одржувањето на хигиената. Добро за нас е што тие само транзитираат низ земјата. Што се однесува до шугата, таа може да се пренесе во директен контакт со заразениот и тоа доколку подолг период престојувате во иста просторија и спиете на ист кревет, вели др. Јованка Костовска државен советник во Министерство за здравство.

И додека жолтицата и шугата ја одминаа Гевгелија, во тек е сезоната на грип. Како превентивна мерка, во транзитниот центар во тек е имуниација на здравствените лица кои се грижат за мигрантите.

-Тоа е персонал кој ќе ни биде потребен и во иднина, имајќи во предвид дека оваа состојба ќе потрае. освен за медицинските лица, следните денови ќе бидат имунизирани и полицајците како и АРМ, вели Костовска.

Во гевгелиската болница овој период немаат наплив од мигранти кои имаат потреба од здравствена нега. Оние кои ги третираат се бегалци со респираторни заболувања како и дијабетичари и срцево болни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.