Денеска е празникот Богородица Пречиста – овие работи не се прават денес

Православната црква денеска го прославува воведението, односно воведувањето на света Богородица како тригодишно девојче во храмот.

Според обичајот од денес, па сѐ до пролет престануваат свадбите. Со првите денови на пролетта повторно се организираат свадби. Обичај е по богослужбата во црквата да се соберат сите млади кои се омажиле или ожениле изминатата година. На воведувањето важи и обичајот неротките да одат и да преспијат во манастир за Богородица да им овозможи да имаат пород.

Воведување е слава на сточарите, кои веруваат дека Богородица им ја штити стоката од ѕверови.

Во календарот на православната црква овој празник е запишан со цервени букви, а се смета за еден од 12 најголеми христијански празници. Денеска не треба да се почнуваат никакви важни работи, да се склучуваат договори, да се почнуваат големи работи и слично.

И за овој празник важи дека не треба да се работи низ дома, да се пере долна облека, да се пегла и слично.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.