Познато името на џелатот што го уби рускиот државјанин

Анатолиј Землјанка се вика човекот што го уби својот сограѓанин на видеото распространето од ИД, пишува „Лајфњуз“. Според податоците на медиумот, станува збор за 28-годишен маж роден во источниот град Нојабрск, кој го напуштил своето семејство во 2013 година и во моментов е баран со државна потерница.
Членови на социјалните медиуми веќе го нарекуваат главосечачот Џихад Толик.

Во меѓувреме, утврден е идентитетот на жртвата од видеото. Тоа е Магомед Хасиев, кој имал 23 години. Тој израснал во дом за деца лишени од родителска грижа, во главниот град на автономната јужна руска република Чеченија, Грозни. Убиениот до пред девет години се викал Евгениј Јудин и тогаш го прифатил исламот, дополнува новинската агенција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.