Европскиот шампион „падна“ во Белград, Црвена Звезда се поблиску до следната фаза

Во рамките од седмото коло во кошаркарската Евролига, синоќа се одиграа и преостанатите пет натпревари.
Највозбудливо беше во Белград каде Црвена Звезда славеше над Европскиот шампион Реал Мадрид со 94-88. Големото изненадување кошаркарите на тренерот Радоњиќ го најавија уште во првиот период од натпреварот кој го добија со 28-18. Во продолжение од мечот „кралевите“ се обидоа да дојдат до пресврт во што и успеаја во третата четвртина кога имаат предност од десеттина поени и се чинеше дека работата е завршена и враќање на Реал на победничките патеки по очајниот старт од новата сезона. Сепак „црвено-белите“ не се предадоа и преку одличниот Квинси Милер сам ја врати Црвена звезда во мечот. Во последниот период во ритам влезе Цирбес, кој помогнат од младиот Гудуриќ ја предводеше победничката серија, за голем триумф од 94-88.
Ова беше трета победа за Звезда во групата и се изедначи со Баерн Минхен и Стразбур, додека шампионот Реал остана на дното на табелата со само две победи, и ќе води грчевита борба во последните три натпревари за да обезбеди пласман во следната рунда.
Цирбес беше најефикасен во овој триумф со 26 поени, додека Квинси Милер го заврши мечот со 24 поени, 7 скокови и две блокади.

ЦСКА Москва многу потешко од очекувањата стигна до победа над Сасари, изразена со конечни 93-87. Гостите од Италија се вратија од десет поени негатива и на половина од последната четвртина стигнаа до 82-82, за ЦСКА во фуриозен финиш сепак да стигне до триумф. Теодосиќ беше прв стрелец на рускиот првак со 21 поен, четири повеќе од Де Коло, додека кај Сасари најефикасен беше Дејвид Логан со 21 поен.

Панатинаикос забележа значајна победа од 66-69 на гостувањето против Каршијака, нанесувајќи му го на турскиот шампион петтиот пораз сезонава во Евролигата. Дуелот беше решен во првата четвртина што ПАО ја доби со 9-21, па потоа не им дозволи на домаќините целосно да се вратат во натпреварот.

Резултати:

Локомотив Кубан – Жалгирис 80-50, ЦСКА Москва – Сасари 93-87, Пинар Каршијака – Панатенаикос 66-69, Црвена Звезда – Реал Мадрид 94-88, Дарушафака – Бросе Баскет 54-65.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.