Џихадистите со нова закана за САД

Исламската држава објави видео на кое се заканува со бомбашки напади на Белата куќа. Во шест минутното видео објавено од џихадистите се поздравува минатонеделниот напад во Париз. Најновата закана доаѓа само еден ден откако ИСИС се закани со напади на Њујорк.

Директорот на ФБИ, Џејмс Коми рекол дека не знае дали постојат какви било веродостојни закани за САД, слични како тие во Париз.

Портпаролот на Стејт департментот соопштил дека е во тек проверка на видеото за да се испита неговата автентичност.

Тој додал дека сите во владата на САД заканите ги сфаќаат сериозно. Во меѓувреме, американскиот државен секретар Џон Кери рекол дека САД имаат способност да ја „неутрализира“ ИСИС многу побрзо од Ал Каеда.
– Ние ќе го поразиме ИСИС. Секогаш сме велеле дека за тоа ќе треба време – рекол тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.