Во Русија е развиен нов систем, способен да го спречи прислушувањето на сите можни канали за телефонска комуникација, изјави директорот на руската меѓудржавна корпорација за развој Иван Полјаков, пренесоа агенциите.
– Откривме решение со кое можеме да ја гарантираме безбедноста на разговорите, независно од системите и стандардите на комуникација кои ги користите. Тоа е многу интересно решение. Сметаме дека тоа ќе биде многу барано на пазарот, рече Полјаков, без да открива детали како функционира системот.
Според него, неговите компоненти се произведени директно од претпријатијата на меѓудржавните корпорација за развој, а не се купени од други производители.
Идејата за развој се раѓа од сопствените потреби на компанијата.
– Опциите кои се нудат на пазарот не можеа да не задоволат како корпорација. Ете зошто почнавме од самите себе, а потоа решивме да го понудиме производот на пазарот, додаде Полјаков.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
