Трошоците на живот во однос на претходниот месец останеле непроменети, а во однос на октомври лани бележат намалување од 0,5 отсто.
Цените на мало во однос на септември се пониски за 0,2 отсто, а во споредба со октомври лани за 1,2 отсто, објави Државниот завод за статистика.
Трошоците на животот во октомври годинава се на исто ниво како и претходниот месец, но е забележано движење во подгрупите. Пораст е забележан кај шеќерот, џемот, медот, чоколадата и кондиторските производи за 1,3 отсто, конзервираната риба за 1,1 отсто, тестенините и други прехранбени производи за 1 отсто, мастите и маснотиите за 0,9 отсто, свежото млеко за 0,4 отсто, преработките од млеко за 0,3 отсто, месото и полутрајните колбасичарски производи за 0,2 отсто.
Пораст на индексот на трошоците на животот во октомври 2015 година, во споредба со претходниот месец, е забележан кај обувките за 4 отсто, цврстите горива и мебелот за 3, гасот за домаќинствата и течните горива за домаќинствата за 2,6 проценти, лековите за 2,1 отсто, туристичките пакет-аранжмани за 1,9 отсто, накитот и часовниците за 0,7 отсто, друго образование за 0,6, течните горива и мазива за 0,4, услугите за одржување и поправки на станот за 0,3 отсто.
Намалување на индексите е забележано кај свежото овошје за 8,7 отсто, свежиот зеленчук за 0,8 отсто и сувото овошје за 0,5 отсто.
Намалување на индексите на трошоците на животот е забележано кај авионскиот превоз на патници за 11,4 отсто, велосипедите за 1,6 отсто, облеката за 0,9, средствата за чистење и одржување на станот за 0,7, информатичката опрема за 0,6 и материјалите за одржување и поправки на станот за 0,5 проценти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
