Погледнете како изгледа рајот на земјата. Северниот Ари Атол е еден од оние делови на светот, кои со златни букви се запишани во соништата на нуркачите.
Дел од него е остров Халавели, едно од најубавите места на Малдиви.
На малиот и изолиран остров, кој нуди извонредно бели песочни плажи, опкружени со тиркизните води на океанот, се наоѓа хотелот „Halaveli“ од ланецот „Constance“.
Одмаралиштето со пет ѕвездички има облик како заобленото традиционално малдивско чамче „Dhoni“, а секој дел од него е толку поразително убав, што дури изгледа нереално.
Ова луксузно одмаралиште на гостите им нуди 57 неверојатни вили во вода, секоја со свој инфинити базен.
На островот се наоѓаат 28 вили, како и една претседателска.
Токму во неа престојувал и еден од најдобрите тенисери во светот, Рафаел Надал.
Традиционалната малдивска кујна, комбинирана со јадења од сите краеви на светот, се приготвува во трите ресторани на островот, „Jahaz“, „Jing“ и „Meeru“.
За доброто расположение се грижи „Jing Bar“, а двете винарии нудат неверојатни вина, но и мали богатства, на пример шише шампањ, пробано лично од најпознатиот агент во светот, Џемс Бонд.
За телото на туристите во одморалиштето се грижат од „Spa de Constance“, а за душата многуброен тим кој нуди забава како сурфање и нуркање.
Но најневеројатното доживување на островот останува можноста да се допреш до магијата на коралните гребени и локалните луѓе кои живеат во хармонија со природата. Вклучувајќи ги и ајкулите, кои секој ден непречено пливаат на неколку метри од брегот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
