Кражба во кумановско Опила, физички малтретирани старица и нејзината ќерка

Шест маскирани лица извршиле разбојништво над 92-годишна старица и нејзината 67-годишна ќерка во кумановското село Опила.

Полицијата соопшти дека разбојништвото е извршено вчера околу 9 часот кога разбојниците влегле во домот на старицата и физички ги нападнале двете жени така што ги легнале на подот, ги удирале по телото, а потоа им ги врзале рацете и нозете и ги онесвестиле со електрична палка.

Потоа извршиле пребарување и одзеле 3.000 евра по што избегале. Двете жени се здобиле со телесни повреди.

Увид на местото на настанот извршиле увидна екипа од полициската станица во Крива Паланка. Се преземаат мерки за целосно расчистување на настанот и пронаоѓање на сторителите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.