Игор Џамбазов се враќа на тетатарската сцена. Иако најавуваше дека доколку се случи тоа, ќе биде по вина на неговиот колега и пријател Тони Михајловски, во приказната влезе жена – актерката Весна Петрушевска Бејби. Иако Игор и Весна имаа низа несогласувања во приватниот живот, што беше објавено и во книгите на Џамбазов, се чини старите пријатели минатото го оставија зад себе.
–По Нова година јас и Весна ќе направиме нешто што никој не го очекува. И покрај сѐ што ни се случи во животот, знаеш, годините си го прават своето, кога сега знаеме дека двајцата заедно имаме 100 години, не можеме да се однесуваме како да имаме по 20 години. Некои работи во животот се простуваат, ама не се забораваат, ама мислам дека ние си простивме, но и забораваме – изјави неодамна Џамбазов во интервју за „Република“.
Тој додаде дека Весна Бејби го убедила да се врати, не во театар, но да се врати на сцена со една претстава. Сега се најавува дека Весна и Игор ќе бидат актери во дуо-драмата, додека Тони ќе се најде во улогата на режисер.
Весна пак, во интервју за „Република“ од пред две години зборува токму за она што се случи меѓу неа и Игор:
-Нашата љубов не може да згасне никогаш. Имаме недоразбирања, но ние се разбираме. Јас со Игор сум врзана многу повеќе од што мислат некои. И нема да дозволам вакво нешто. Ме има напишано во книга… Тоа е негово право, така чувствува. Нема да му се налутам. Можеби на крајот од денот јас сум го повредила, а не сум била свесна за тоа. И сега со моето однесување му докажав дека сум му лојална до крај и така ќе биде. Игор ми режирал Мерелин Монро… бил единствениот што верувал во мене во тој момент. Сме играле претстави заедно.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
