Перо Антиќ со Фенер славеше над „кралскиот“ европски шампион

Во рамките од третото коло во кошаркарската Евролига се одигра дерби средбата меѓу двата тима кои се најсерозни кандидати за освојување на овогодишениот наслов шампион на стариот континтент, Фенербахче и Реал Мадрид.
Тимот на Перо Антиќ славеше убедлива победа на домашен терен во Истанбул со 77-66 и со тоа му го нанесе вториот пораз на европскиот шампион оваа сезона.
Тимот на Жељко Обрадовиќ тргна силовито и по само 4 минути игра имаше предност од 13-6. Сепак Реал Мадрид до финишот од првото полувреме се созеде и успеа да стигне до минимална разлика (20-18).
Тоа беше се што стори во текот на целиот натпревар бидејќи Фенер беше неприкосновен во одбраната дозволувајќи да прими само 66 поена.
Кај победничката екипа одлична партија пружија Луиџи Датоме и Екпе Удох со по 15 поени, а Богдан Богдановиќ беше стрелец на 12. Перо Антиќ одигра нешто повеќе од 11 минути и реализираше по четири поена и скокови.
Кај Реал Мадрид единствена светла точка беше шпанскиот репрезентативец Фелипе Рејес со 15 коша и седум скока.
Сите останати играчи не успеаја да постигнат двоцифрен број поени.

Во вториот натпревар одигран во терминот од 18 часот, Кхимки ја декласираше Црвена Звезда со огромни 91-53.

Во останатите денешни натпревари се среќаваат:

Баерн Минхен – Стразбур, Уникаха – Дарушафака, Зјелона Гора – Локомотив Кубан и Олимпија Милано – Олимпијакос.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.