Измените одложени, државна матура ќе се полага по стариот концепт

Задолжителен само мајчин јазик, но не и математиката. И за годинашните матуранти ќе важи стариот концепт за полагање на државната матура.

Ќе полагаат 2 екстерни и 2 интерни предмети. Нема да се примени ниту електронското полагање.

– Измените на државната матура се одложени за септември 2016 година и во овој период ќе направиме се што е во наша моќ да бидат вклучени сите засегнати страни за да се дојде до најдобрите можни решенија. Одлагањето на државната матура е затоа што од декември се пријавува матурата и имавме прекраток период за промените што сакавме да ги постигнеме, затоа што ни треба во меѓупериодот и дијалог, така што има доволен простор да се вклучат сите заинтересирани страни и да се разговара со сите, да се слушнат сите мислења и да се направат темелни консултации за на крај да се донесе најсоодветното решение, истакна премиерот Никола Груевски пред почетокот на учебната 2015/2016 година.

Инаку оваа година државна матура ќе полага деветтата генерација матуранти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.