Горивата oд полноќ поскапи за половина денар

За половина денар ќе се зголеми цената на бензините, дизелот и екстра лесното масло за домаќинства од ноќеска на полноќ, одлучи на денешната седница Регулаторната комисија за енергетика.

Литар Еуросупер БС-95 ќе чини 63 денари, а Еуросупер БС-98 ќе се продава за 65 денари. Новата цена на Еуродизел (Д-Е V) ќе изнесува 50,50 денари за литар, а на екстра лесното масло за домаќинства 39 денари. Зголемување од 1,795 денари има кај малопродажната цена на мазутот М-1 НС и за килограм од тој енегренс ќе се плаќа 21,883 денари.

Малопродажната цена на нафтените деривати во просек е зголемена за 2,06 проценти.

Регулаторната комисија за енергетика ја донесе одлуката за цената на горивата врз основа на просечната цена на суровата нафта на светскиот пазар во изминатите две недели, како и курсот на денарот во однос на доларот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.