Министерот Попоски на 70. заседание на Генералното собрание на ОН

Министерот за надворешни работи на Република Македонија Никола Попоски учествувал на министерската средба на земјите членки на Процесот на соработка на југоисточна Европа со кој претседава Република Бугарија, соопшти Министерството за надворешни работи.

На средбата, како што стои во соопштението, се разгледувале можностите да се подобрат мерките потребни за подобрување на транспортните и енергетските инфраструктури пред средината на 2016 година. Соработката со Република Бугарија и Република Албанија, се вели во соопштението, е во нагорна линија, особено кон обезбедување на средства за развој на коридорот 8.

– Потоа Попоски учествуваше на настанот на министерско ниво посветен на зајакнување на соработката во делот на миграцијата и бегалското движење во рамки на новата развојна агенда.  Еден од новитетите помеѓу претходната развојна рамка – милениумските развојни цели – и одржливите развојни цели кои беа усвоени неколку дена претходно е токму отсуството на миграциите во старата рамка. Тоа што Република Македонија и Европа се соочуваат со едeн од најголемите миграциски предизвици на модерното време и размислување на миграциите низ рамка на долгорочна развојна агенда, а не само како криза која мора сега некако да се реши, и дава на ситуацијата со мигрантите квалитет на проект кој може успешно да се исполни, се посочува во соопштението од МНР.

Во него се додава дека министерот Попоски учествувал и на трансатлантската вечера, чиј домаќин е државниот секретар на САД, Џон Кери, на која учествувале и неговите колеги од земјите членки на НАТО, ЕУ. Се дискутирало за ситуацијата во Сирија, жариштата од кои произлегувa мигрантската криза, процесот на интегрирање во НАТО, како и за ризиците за безбедноста во регионот на југоисточна Европа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.