Американскиот државен секретар Џон Кери изјави дека Русија може да стане цел на борците од групата Исламска држава.
– Доколку не пронајдеме начин да ги обединиме силите за борба против ИД, а и Русија самата се бори против неа, претпоставете што ќе се случи? Русија ќе стане цел. Русија ќе ги види терористите со минофрлачи, ќе види како паѓаат авиони од небото. И како и Асад и таа ќе се претвори во магнет за џихадистите, смета Кери.
– Треба да се обединиме против екстремистите. И Асад треба да си замине од власт. Сето тоа зависи од еден човек и Русија и Иран не треба да го успоруваат процесот, кој е поврзан со еден човек, нагласи Кери.
На прашањето дали е можен сојуз меѓу Русија и САД против ИД, Кери одговори дека се отворени сите можности.
– Се е на маса. Доколку се разбереме со Асад и транзицијата на Сирија тогаш тоа ќе биде можно, рече Кери
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
