Кинескиот претседател Си Џинпинг пристигна во прва државна посета на САД.
Се очекува разговорите со американскиот претседател Барак Обама во Белата куќа да бидат во сенка на несогласувањата, односно наводната сајбер-шпионажа од страна на Кина, економската политика на Пекинг и територијалните спорови во Јужното кинеско Море.
Американскиот потпретседател Џо Бајден ги пречека Си и неговата сопруга, кои слетаа на воениот аеродром „Андрјус“ во близина на Вашингтон, што е втора етапа од еднонеделното патување на шефот на кинеската држава во САД, кое почна во Сиетл.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
