Бенитез: Покажавме карактер и победнички менталитет

Реал Мадрид синоќа во рамките од шестото коло оствари значајна победа над Атлетик Билбао на „жешкиот“ терен на „Сан Мамеш“ од 2-1. Двата гола ги постигна Карим Бензема. Екипата покажа победнички карактер кога беше најпотребно. Реал Мадрид е осамен на врвот на табелата со 16 бодови, по киксот на Барселона од 1-4 против Селта Виго. Тренерот на „кралевите“ Рафа Бенитез е задоволен од прикажаната игра и гладта за победа која ја имаат неговите играчи.

– Кога ќе победиш, мислам дека треба изданието на тимот да го оцениш како позитивно. Најважно е дека покажавме победнички карактер. Во првото полувреме наметнавме своја игра, имавме и неколку одлични шанси, а во второто успеавме да се вратиме повторно во водство, откако Атлетик Билбао израмни. Се појавија и слабости, примивме гол поради наше погрешно додавање, а токму тоа беше посочено дека може да биде еден од клучните елементи на овој дуел. Но, Бензема постигна два гола, тој е одличен голгетер, се надополнува многу успешно со Роналдо и сега веќе размислуваме за следниот предизвик – изјави Рафаел Бенитез.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.