Гуркуф како слободен играч потпиша едногодишен договор со Рен

Поранешниот француски репрезентативец Јоан Гуркуф се одлучи кариерата да ја продолжи во својата татковина во екипата на Рен. Тој по истекот на договорот со Лион не го продолжи договорот и стана слободен играч кој може да премине во било кој клуб без обештетување.
Гуркуф се поврзуваше со повеќе клубови ова лето, понуди на негова адреса пристигнаа и од Англија, но тој сепак се одлучи да остане во Франција. Со екипата на Рен потпиша едногодишен договор и се надева дека повторно ќе ја оживее неговата кариера и ќе избори место во репрезентацијата на Франција за следното Европско првенство што се игра токму во неговата земја.
Во кариерата настапуваше и за Милан од каде повторно се врати во Франција во екипите на Бордо и Лион.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.