Следниот четврток „Балкан бајк фестивал“ за првпат на Балканот

Атракции, спектакуларно шоу исполнето со возбуда, натпреварувачи и одлична забава за сите генерации – ова е атмосферата која е планирана за следниот четврток. За прв пат на Балканот наредната недела на 18-ти септември, премиерно започнува Macedonia X-Treme 2015: Balkan Bike Festival, ексклузивен FMB Silver настан во склоп на кој Скопје ќе биде дел од манифестација од светски размери. Ова адреналинско шоу ќе ги собере најдобрите светски екстремни велосипедисти и љубители на спортот на едно место, каде ќе се натпреваруваат во BMX техники и вештини на возење, а сите присутни ќе бидат сведоци и на досега невиден спектакл со акробации од најголемите скокалници до сега.

Во склоп на настанот организирана е и детска вело школа за која заинтересирани за учество, за секоја активност ќе треба да се пријават на инфопултот за настанот (вело школа или натпреварувањата). Учесниците ќе бидат групирани според возраст. Секој учесник кој ќе учествува ќе треба да им свој велосипед, но во случај некој од учесниците да нема велосипед, организаторот ќе обезбеди велосипед доколку има слободен во моментот.

Следниот викенд, презакажете ги сите останати планови, бидејќи Балкан Бајк Фестивал е настан кој не смее да се пропушти и каде шансата за забава ќе биде можна за секого! Организатори и поддржувачи на овој FMB Silver настан за оваа година се и Планинарскиот Клуб за Велосипедисти Oxygen и Sport Vision Македонија .

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.