Принцезата Хаја на Јордан во Скопје на Државно првенство во прескокнување пречки

Коњичкиот клуб „Дона“, денеска со почеток во 9 часот на хиподромот во Радишани ќе биде домаќин на 4-то коло Државно првенство во прескокнување пречки на Македонија.

Се очекува учество на шест македонски коњички клуба со околу 20 напреварувачи, гостински клубови од соседна Србија и Бугарија со свои јавачи и присуство на околу 150 посетители.

На настанот свое присуство потврдија Нејзиното кралско височество Принцезата Хаја на Јордан (Хаја бинт Хусеин) поранешен претседател на светската коњичка Федерација; д-р Васил Тупурковски – Претседател на Македонски олимписки комитет, Марјан Спасески – Директор на Агенцијата за млади и спорт на Р.М. Ребека Јанковска Ристески – Претседател на Здружението на граѓани за лица со дисфунцкии, хендикеп, ретки болести и посебни потреби ,,Дајте ни крилја” и Нора Шабани- Директор на канцаларијата на УНИЦЕФ во Македонија.

Настанот е под покровителство на „Пелистерка“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.