Шеесет и петгодишната Т.С. е насилната дадилка, адвокатот ќе се жали на одлуката за притвор

Шеесет и петгодишната Т.С. е дадилката која е во притвор поради малтретирање на детето што го чувала пет месеци. Видеото на кое се гледа како Т.С. го удира, го тресе и му вика на деветмесечното бебенце предизвика лавина реакции. На Т.С., доколку се докаже вината, ѝ се заканува затворска казна од 10 години.

Т.С. во предистражната постапка негирала дека е виновна. Нејзиниот адвокат Ванчо Митев најавува жалба на судската одлука за притвор на осомничената.

Тој вчера на социјалните мрежи најави дека ќе побара изземање на снимката како доказ од судската постапка бидејќи била незаконски стекната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.