Бројот на луѓе во светот, на кои им е дијагностициран рак, се зголемил во 2012 година на 14 милиони, а се предвидува бројот на заболените до 2025 година да надмине 20 милиони со тенденција за натамошен раст, покажуваат податоците на Светската здравствена организација (СЗО).
Факт е дека од рак умираат милиони луѓе секоја година, лекувањето е скапо и со непредвидлив исход, со што се истакнува важноста од превенција.
Во извештајот на СЗО се наведува дека дури и развиените земји имаат проблем со скапите третмани на лекување и негата за пациентите. Новите клинички истражувања покажале директна поврзаност на конзумирањето јод и превенцијата за ширење рак на дојка, што претставува револуционерно откритие.
Истражувањето спроведено од Ашутос Шривавастава и неговиот тим, објавено во јули 2006 година, покажало дека јодот има цитотоксично дејство врз канцерогените клетки.
Докажано е дека јодот кај канцерогените клетки предизвикува програмирано изумирање. Иако препорачаните дневни количества на јод според СЗО изнесуваат 150 микрограми, експертите веруваат дека тоа не е доволно. Јодот се внесува преку храна. Природно растворен јод има во морските плодови и алгите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
