Хотелот „Анделс“ во Берлин со неочекуван проблем, морал да ги продолжува креветите за кошаркарските џинови

Европското кошаркарско првенство почнува утре во сите четири групи, кои за првпат се играат во четири различни држави.
Во групата Б што се игра во Берлин пет од шесте репрезентации ќе бидат сместени во хотелот „Анделс“, кој е со 4,5 ѕвезди. Веднаш по пристигнувањето на поголемиот дел од кошаркарските џинови, настанал проблем со тоа што играчите побарале продолжување на креветите за дополнителни 20 сантиметри. Сепак, проблемот бил веднаш решен и сега кошаркарите можат мирно да се одмараат.

Највисоки центри во групата Б се Германецот Тибор Плајс и Исланѓанцот Рагнар Натанелсон, кои се високи по 218 сантиметри. Тие двајца ќе се сретнат во првиот меч од шампионатот в сабота, а во групата Б играат уште Србија, Шпанија, Италија и Турција.

Меѓу највисоките во групата Б е и НБА-ѕвездата на Далас маверикс, Дирк Новицки кој е висок 213 сантиметри, но тој изнајми посебен апартман во хотелот за своето семејство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.