Вардар стартуваше со победа во СЕХА лигата

Ракометарите на Вардар со победа над Војводина од 37:27 ја почнаа новата сезона во регионалната СЕХА лига.
Македонскиот шампион одигра одлично прво полувреме во кое ја стекна двоцифрената предност и го реши победникот уште по 30 минути игра.

Арпад Штербик за само едно полувреме имаше 16 одбрани. Противникот даде отпор само во првите десет минути, а потоа вардарци тргнаа силно и веќе во 21.минута имаа двојно повеќе голови од српскиот првак (12:6).

Во второто полувреме тренерот Раул Гонзалез им даде шанса и на резервните играчи.

Вториот македонски претставник, Макс Струмица вчера го одигра дуелот од 2.коло. На свој терен струмичани беа поразени од Татран Прешов со 31:24.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.