Унгарија ќе ја активира војската за соочување со емигрантите

Унгарската Влада разгледува можност да ја употреби армијата за подобрување на безбедноста на јужната граница на државата каде што илјадници емигранти се обидуваат да влезат од Србија на територијата на Европската унија.

Владиниот портпарол Золтан Ковач изјави дека за прашањето за распоредување армиски единици на границата било расправано на седница на Кабинетот и советот за национална безбедност.

Одлука за тоа може да донесе парламентот, кој следната седница почнува со работа по едномесечниот одмор.

Над две илјади лица влегоа во Унгарија преку границата со Србија во почетокот на неделата. Претходно властите беа принудени да почнат изградба на ѕид висок четири метри кон Србија за да запрат емиграциски бран.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.