Постепен пораст на температурата од ден на ден

Оваа скусена работна недела ќе помине во знакот на постепен пораст на температурата и во претежно сончево време. Мало зголемување на облачноста се очекува во вторник, и тоа во планинскиот предел во северозападниот крај. Оваа облачност ќе донесе и услови за краткотраен дожд во околината на Шар Планина.

Според Метеопро в среда веќе потпаѓаме под изразено антициклнонално влијание, што ќе ни обезбеди стабилно, суво и сончево време до крајот на работната недела.

Во однос на температурата очекуваме постепен пораст од ден на ден. Утрата и понатаму ќе бидат свежи, а дневните максимални температури ќе имаат вредност од 32 степена до 34 степени во повардарскиот крај, околу 30 во Пелагонија и до 32 во котлините од источниот крај. Повисоките места во источниот крај очекуваат максимална температура од 26 степени до 29. Овие вредности на максималната температура се очекуваат сè до среда, а в четврток се очекува пораст на максималната температура за околу 2 степна.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.